၁။ ပဲကြာဇံ (၂၀) သား
၂။ အာလူး (၂၀) သား
၃။ ကြက်ဥ (၅) လုံး
၄။ ကြက်သွန်နီ (၁၀) သား
၅။ ငရုတ်သီးအခြောက် (၅) ကျပ်သား
၆။ ငါးပိ အနည်းငယ်
၇။ ဆား အနည်းငယ်
၈။ နနွင်း အနည်းငယ်
၉။ ပုဇွန်ခြောက်မှုန့် အနည်းငယ်
၁၀။ မန်ကျည်းသီးမှည့် (၅) ကျပ်သား
၁၁။ ပဲမှုန့် အနည်းငယ်
၁၂။ ဆီ (၂၀) သား
ပထမဦးစွာ ပဲကြာဇံကို ရေစိမ်ထားရပါမည်။ ရေစိမ်ထားစဉ် ကြက်ဥ၊ အာလူးတို့ကို ပြုတ် ထားရပါမည်။ ထို့နောက် ငရုတ်သီးခြောက်၊ ကြက်သွန်နီ၊ ငါးပိ၊ ဆား၊ နနွင်းတို့ကို ရော၍ တောင်းထားရပါ။ ပြီးပါက ဆီကျက်ချက်ပြီး ပဲကြာဇံကို ပြုတ်ထားပါ။ ပြုတ်ပြီးပါက ပဲကြာဇံ၊ အာလူး၊ ကြက်ဥ၊ ငရုတ်သီးဆီချက်၊ ဆား၊ ပုဇွန်ခြောက်မှုန့် မကျည်းသီးမှည့် တို့ကို ထည့်၍ သမအောင်ရောသုပ်ရပါမည်။ ပြီးပါက ပန်းကန်တစ်ချပ်ထဲသို့ထည့်၍ ကြက်သွန်နီ ဆီချက်ကို အပေါ်မှ ဖြူးထည့်ပါ။ ထိုအခါ အချိန်အခါမရွေးစားသုံးနိုင်ပြီး လူကြိုက်များနှစ် သက်သည့် ရခိုင်ရိုးရာပဲကြာဇံအာလူးသုပ်ကို ရရှိမည်ဖြစ်ပါသည်။
