ကယန်းလူမျိုးတို့သည် ကရင်လူမျိုးအစုတွင် ပါဝင်သည်။ မြန်မာနိုင်ငံအတွင်းသို့ ကရင်လူမျိုးနှင့်အတူ ဝင်ရောက်လာခဲ့သည်။ သမိုင်းပညာရှင် "ဂျီအိပ်လု"နှင့် ဂျီအီးဟာဗေးတို့၏မှတ်တမ်းအရ ဘီစီ ၇၃၉ခုနှစ်က မြန်မာနိုင်ငံအတွင်းသို့နောက်ဆုံး ရောက်ရှိခဲ့ကြောင်း ဖော်ပြထားသည်။ကရင်လူမျိုးတို့၏ ခုနှစ်သက္ကရာဇ် ရေတွက်ရာတွင် ထိုဘီစီ ၇၂၉ နှစ်ကိုအခြေခံသတ်မှတ်ခဲ့သည်။ ကယန်းလူမျိုးတို့၏ သက္ကရာဇ်ကိုလည်း ကရင်လူမျိုးတို့၏ ခုနှစ်သက္ကရာဇ်နှင့် အတူတူ ပင်ဖြစ်သည်။ယခုနှစ်ရောက်ရှိအေဒီ၂၀၁၈ +ဘီစီ ၇၃၉ = ၂၇၅၇ သည် ကယန်းခုနှစ်သက္ကရာဇ် ၂၇၅၇ ခုနှစ်ဖြစ်သည်ဟု မှတ်ယူ ရပေမည်။
ကယန်းနှစ်သစ်ကူးနေ့သတ်မှတ်ခြင်း အကြောင်းသည် ယန်း လူမျိုးတို့၏ ၁၂ လရာသီတွင် "လ လနန့်" သည်နောက်ဆုံးဖြစ်သည်။ လ လနန့် ကုန်ဆုံးပြီးလျှင် ၁၂ လရာသီ၏ နှစ်တစ်နှစ် ပထမ ဦးဆုံး လသည် "လဆပရို" ဖြစ်သည်။ ထိုလဆပရို(၁) ရက်နေ့ မြန်မာ လ နတ်တော်လဆန်း (၁)ရက်နေ့သည် ကယန်းနှစ်သစ်ကူး ကျရောက် သည့် နေ့ဖြစ်သည်။ ထို့နေ့ကို ကယန်းနှစ်သစ်ကူးနေ့အဖြစ် ကယန်း စာပေနှင့်ယဉ်ကျေးမှုဗဟိုကော်မတီကသတ်မှတ်ပေးခဲ့ခြင်းဖြစ်သည်။
