(၁) တိုင်းရင်းသားမျိုးနွယ်စု (၇၅) မျိုး၏ ရိုးရာဝတ်စားဆင်ယင်ထုံးဖွဲ့မှုများကို ရုပ်တု(၈၁)စုံဖြင့်လည်းကောင်း၊ တိုင်းဒေသကြီး/ပြည်နယ်များရှိ တိုင်းရင်းသား ရေးရာဝန်ကြီးများ၊ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များမှ လှူဒါန်းပေးပို့လာသည့် တိုင်းရင်းသားရိုးရာအသုံးအဆောင်များနှင့် တူရိယာ ပစ္စည်းများကို ဝန်ကြီးဌာနပြခန်း၌ ခင်းကျင်းပြသထားရှိပါသည်။ အဆိုပါ ပြခန်းများအတွင်း ခင်းကျင်းပြသထားသည့် တိုင်းရင်းသားရိုးရာဝတ်စုံများနှင့် ပတ်သက်၍ လွဲမှားမှုမရှိစေရန် “တီထွင်မှုသည် ရိုးရာကို မကျော်ရန်” ဆိုသည့် မူဝါဒနှင့်အညီ ဝတ်စုံများ၏ ဇစ်မြစ်ကိုပါ လေ့လာ စိစစ်တင်ပြနိုင်ရန်အတွက် သက်ဆိုင်ရာ တိုင်းရင်းသားစာပေနှင့်ယဉ်ကျေးမှုအသင်း/အဖွဲ့များနှင့် ချိတ်ဆက် ဆောင်ရွက်လျက်ရှိပါသည်။
(၂) ၁၇-၆-၂၀၂၃ ရက်နေ့မှ ၂၉-၆-၂၀၂၃ ရက်နေ့ထိ ပြည်ထောင်စုတိုင်းရင်းသား ကျေးရွာ (ရန်ကုန်)၌ စတုတ္ထအကြိမ်မြောက် တိုင်းရင်းသားရိုးရာအစားအစာ ဟင်းလျာ (၈) မျိုး ချက်ပြုတ်နည်းအစီအစဉ် ရိုက်ကူးခြင်းလုပ်ငန်းများကို ဆောင်ရွက်ခဲ့ပါသည်။
(၃) မြန်မာနိုင်ငံရှိ တိုင်းရင်းသားလူမျိုးစုများအလိုက် မူလရိုးရာဝတ်စုံမှတ်တမ်း ဓာတ်ပုံများနှင့် တရားဝင်အသုံးပြုလျက်ရှိသည့် ရိုးရာဝတ်စုံဓာတ်ပုံများကို နှိုင်းယှဉ်ပြုစုပြီး တိုင်းရင်းသားရိုးရာဝတ်စုံမှတ်တမ်းဓာတ်ပုံများအား မှတ်တမ်းထားရှိနိုင်ရေးအတွက် တိုင်းဒေသကြီး/ပြည်နယ် တိုင်းရင်းသားရေးရာဝန်ကြီးဌာနများ၊ သက် ဆိုင်ရာ တိုင်းရင်းသားစာပေနှင့်ယဉ်ကျေးမှုအသင်းများ၊ ကော်မတီများ၊ အဖွဲ့အစည်းများနှင့် ပေါင်းစပ်ညှိနှိုင်း အတည်ပြုချက်ရယူ၍ ပြုစုဆောင်ရွက်ခဲ့ပါသည်။
(၄) တိုင်းရင်းသားလူမျိုးများရေးရာဝန်ကြီးဌာနရှိ ပြခန်းများသို့ ၁၆-၈-၂၀၂၃ ရက်နေ့မှ ၄-၁၀-၂၀၂၃ ရက်နေ့အထိ နေပြည်တော် ပြည်ထောင်စုနယ်မြေ အတွင်းရှိ ပညာရေးဝန်ကြီးဌာန၊ အခြေခံပညာကျောင်း (၈) ကျောင်းမှ ကျောင်းသား/သူ စုစုပေါင်း (၁၂၇၃) ဦး လာရောက်လေ့လာခဲ့ပါသည်။
(၅) ၂၆-၈-၂၀၂၃ ရက်နေ့နှင့် ၂၇-၈-၂၀၂၃ ရက်နေ့တွင် ဧရာဝတီတိုင်းနှင့် ပဲခူးတိုင်း ဒေသကြီးအတွင်းရှိ ကရင်၊ ချင်း (အရှို)၊ မွန်နှင့် ရခိုင် တိုင်းရင်းသားစာပေ နှင့်ယဉ်ကျေးမှုအဖွဲ့တွေ့ဆုံပွဲအခမ်းအနားသို့ တိုင်းရင်းသားလူမျိုးများရေးရာ ဝန်ကြီးဌာန၊ ပြည်ထောင်စုဝန်ကြီးနှင့် တိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီးများ တက်ရောက်ခဲ့ပါသည်။
(၆) ၂၁-၁၀-၂၀၂၃ ရက်နေ့တွင် ရန်ကုန်တိုင်းဒေသကြီးနှင့် ဧရာဝတီတိုင်းဒေသ ကြီးမှ တိုင်းရင်းသားစာပေနှင့်ယဉ်ကျေးမှုအသင်းအဖွဲ့ဝင် (၁၁၀) ဦးအား ရန်ကုန်မြို့အတွင်းရှိ ရွှေတိဂုံဘုရား၊ ပြည်သူ့ရင်ပြင်၊ အမျိုးသားပြတိုက်နှင့် ပြည်ထောင်စုတိုင်းရင်းသားကျေးရွာသို့ လေ့လာရေးခရီးစဉ်(ဆဋ္ဌမအကြိမ်) ပို့ဆောင်ခဲ့ပါသည်။
(၇) ၆-၁၁-၂၀၂၃ ရက်နေ့နှင့် ၈-၁၁-၂၀၂၃ ရက်နေ့တို့တွင် (၆၈) နှစ်မြောက် ကရင် ပြည်နယ်နေ့ အခမ်းအနားသို့ တက်ရောက်လာသော နိုင်ငံတော်စီမံအုပ်ချုပ် ရေးကောင်စီအဖွဲ့ဝင်နှင့် တိုင်းရင်းသားလူမျိုးများရေးရာဝန်ကြီးဌာန၊ ပြည် ထောင်စုဝန်ကြီးတို့အား မွန်ပြည်နယ် ညွှန်ကြားရေးမှူးရုံးမှ ဝန်ထမ်းများက မော်လမြိုင်လေဆိပ်တွင် ကြိုဆိုပို့ဆောင်ခြင်းများ ဆောင်ရွက်ခဲ့ပါသည်။
(၈) ၇-၁၁-၂၀၂၃ ရက်နေ့တွင် ကရင်ပြည်နယ်၊ ဘားအံမြို့၌ ကျင်းပပြုလုပ်သော (၆၈)နှစ်မြောက် ကရင်ပြည်နယ်နေ့အခမ်းအနား”သို့ ကရင်ပြည်နယ် ညွှန်ကြားရေးမှူးရုံးမှ အရာထမ်း ၁ ဦး တက်ရောက်ခဲ့ပါသည်။
(၉) ၂၃-၁၁-၂၀၂၃ ရက်နေ့တွင် ပြည်ထောင်စုဝန်ကြီးရုံး၌ ကျင်းပပြုလုပ်သော တိုင်းရင်းသားလူမျိုးများရေးရာဝန်ကြီးဌာန၏ (၈) ကြိမ်မြောက် ကထိန် သင်္ကန်းဆက်ကပ်လှူဒါန်းခြင်းအခမ်းအနားသို့ ဝန်ကြီးဌာနမှ အရာထမ်း၊ အမှုထမ်းများ တက်ရောက်ခဲ့ကြပါသည်။
(၁၀) ၂၅-၁၁-၂၀၂၃ ရက်နေ့တွင် ကချင်ပြည်နယ်၊ မနောကွင်းအတွင်း မနော အိမ်တော်၌ ကချင်ပြည်နယ်အစိုးရအဖွဲ့၊ ကချင်ပြည်နယ် ဝန်ကြီးချုပ် ဦးခက်ထိန်နန်မှ ကချင်ပြည်နယ်အတွင်းရှိ တိုင်းရင်းသားမျိုးနွယ်စုများကို ကောက်သစ်စားပွဲပြုလုပ်ရန်အတွက် ထောက်ပံ့ပစ္စည်းပေးအပ်ခြင်း အခမ်း အနားသို့ ကချင်ပြည်နယ် ညွှန်ကြားရေးမှူးရုံးမှ အရာထမ်း ၁ ဦး တက်ရောက်ခဲ့ပါသည်။
(၁၁) ၂၆-၁၁-၂၀၂၃ ရက်နေ့နှင့် ၂၅-၁-၂၀၂၄ ရက်နေ့တွင် မာရဝိဇယဗုဒ္ဓရုပ်ပွားတော် မြတ်ကြီး၊ ဗုဒ္ဓဥယျာဉ်တော်အတွင်း ဝန်ကြီးဌာနပေါင်းစုံဝတ်ရွတ်စဉ်များဖြင့် ပူဇော်ခြင်းအခမ်းအနား၌ ဝန်ကြီးဌာနမှ အရာထမ်း၊ အမှုထမ်းစုစုပေါင်း ၂၁ ဦး သွားရောက်၍ ဝတ်ရွတ်ပူဇော်ခဲ့ပါသည်။
(၁၂) ၉-၁-၂၀၂၄ ရက်နေ့တွင် ကချင်ပြည်နယ်အစိုးရအဖွဲ့ရုံး၌ ကျင်းပပြုလုပ်သော (၇၆) နှစ်မြောက် ကချင်ပြည်နယ်နေ့ မနောဖွင့်ပွဲ အခမ်းအနားကို ကချင် ပြည်နယ် ညွှန်ကြားရေးမှူးရုံးမှ အရာထမ်း၊ အမှုထမ်းများ တက်ရောက်ခဲ့ပါသည်။
(၁၃) ၁၁-၁-၂၀၂၄ ရက်နေ့တွင် ကရင်ပြည်နယ်၊ ဘားအံမြို့၌ ကျင်းပပြုလုပ်သော ကရင်အမျိုးသားနှစ်သစ်ကူးနေ့ အလံတင်အခမ်းအနားနှင့် ကရင်အမျိုးသားနှစ်သစ်ကူးနေ့အခမ်းအနားသို့ ကရင်ပြည်နယ်၊ ညွှန်ကြားရေးမှူးရုံးမှ အရာထမ်း အမှုထမ်းများ တက်ရောက်ခဲ့ပါသည်။
(၁၄) ၁၉-၃-၂၀၂၄ ရက်နေ့တွင် မွန်ပြည်နယ်၊ ညွှန်ကြားရေးမှူးရုံး၌ ကျင်းပ ပြုလုပ်သော တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီးနှင့်တိုင်းရင်းသားစာပေနှင့်ယဉ်ကျေးမှုအသင်းအဖွဲ့များနှင့်တွေ့ဆုံပွဲ၌ မွန်ပြည် နယ်၊ ညွှန်ကြားရေးမှူးရုံးရှိ ဝန်ထမ်းများမှ ပူးပေါင်းပါဝင်ဆောင်ရွက်ခဲ့ပါသည်။
(၁၅) ၁၉-၃-၂၀၂၄ ရက်နေ့တွင် တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီးနှင့် ဒုတိယဝန်ကြီးတို့မှ မွန်ပြည်နယ်တွင် တည်ဆောက်လျက်ရှိသော တိုင်းရင်းသားယဉ်ကျေးမှုစင်တာ တည်ဆောက်ရေးလုပ်ငန်းခွင်သို့ သွားရောက်စစ်ဆေးခဲ့ပါသည်။
